Main phir wahi hu.
Samander ke kinare, thandi ret par nange paav.
Mere haath mein khaali panno se bhari
Ek kitaab hai.
Main chal raha hu, panne gir rahe hai.
Har khaali panne par kuch baat hai.
Na jaane kisne likhi hai, na jaane kaun padhega.
Panna panna jab girta hai,
Har baat dhue si sarak jaati hai.
Shaayad kabhi nazdik na aane keliye.
Har panna ab mere har kadam ka nishaan ban raha hai,
Bewafa ret par.
Kitaab ke aakhri panne par shaayad Buddhism ka koi chapter likha thaa kabhi shaayad.
Attachments ke baare kuch baatein thi.
Insaano ki baat ho magar toh, saala Buddhism ki har philosophy bhaad mein jaati hai.
Main phir wahi hu.
No comments:
Post a Comment